相信買樓程序對大部分新手準買家都係一知半解,就算想做足功課但係網上咁多資訊唔知信邊個好?以下置業流程可能幫到你。

第一步: 搵樓睇樓

揀樓首先最緊要考慮夠唔夠首期,以一個2020年成交嘅兩房唐樓單位(約$400萬)為例,申請六成按揭(視乎樓齡),須支付約$80萬首期。但除咗首期外,公證費、律師費、印花稅同中介佣金最起碼要準備多約$10萬。另外,澳門合資格青年首次置業仲可以獲得印花稅折扣,以上述為例,大概可以折到約$4萬。

雖然好多網頁可以幫你計到預算,但係地產中介可以提供免費資訊,部分仲會幫你進行房屋估價,所以搵啱中介除咗幫你計數仲可以搵埋心水嘅樓盤預約睇樓,上車真係會事半功倍!

第二步: 銀行貸款查詢

只要準備好查屋紙、入息證明、糧單、戶口資料等等就可以向相熟銀行查詢按揭成數,銀行會按你嘅個人資料同信貸評級等為你提供詳情。即使地產中介可以幫你估價,但最後貸款都係以銀行為準。

第三步:  簽訂臨時合約

當買賣雙方確定好交易價格、交易日期等基本條款後,雙方須簽署臨時買賣合約(俗稱臨時合約)而買家亦需要支付訂金(俗稱細訂)。

第四步: 簽署正式買賣合約

簽署正式買賣合約時,買方透過律師繳付印花稅及加付訂金(大訂),然後再由律師安排同各方(銀行代表、買賣雙方、公證員等)簽樓契買家就可以用合約副本向銀行正式申請按揭貸款。一旦買家未能簽署正式合約或自動放棄交易,業主有權沒收已支付嘅細訂。

*印花稅喺簽署合約後30日內繳付。

第五步: 驗樓後簽樓契按揭契

交易當日買賣雙方、公證員、律師同銀行代表須共同簽署樓契(通常於簽署正式買賣合約後30日內),當雙方律師審核樓契確保無誤後,由買賣雙方簽署相關文件,一般整個成交期為3-4個月左右。

若需要按揭貸款,買家喺簽署按揭契後,銀行就會將借貸款項付予賣方,並由買方繳付樓價餘數。樓契就會由按揭銀行保管直至買方將全部貸款還清為止。我哋建議買方喺交易日前最後檢查房屋以確定順利交吉,完成後賣方正式交匙。

詳情可以同JML Property聯絡了解更多。

#買樓 #置業 #投資 #澳門 #按揭

Leave a Reply

Your email address will not be published. Required fields are marked *